قصة نجاح 4

51491147_10157148167887049_2384820491350179840_n
الاستثمار الأفضل في التاريخ 32 مليون دولار مقابل 175 مليار دولار
ـ
في 1998 كان ma huateng شغال في احدي شركات الاتصالات في الصين بياخد راتب 170 دولار قرر انه يستقيل ويفتح شركه صغيره هو و 5 صحابه تعمل software بسيط لشركات الاتصالات وفي نفس السنة شاف presentation لبرنامج اسمه ICQ

(الـ ICQ كان أول برنامج رسائل فورية على الكومبيوتر ومن بعده جه الياهو والماسنجر اذا حد فاكرهم) ومكنش في بديل او نسخه صيني من البرنامج قرر وهو الفريق الي معاه انهم يعملو منه نسخة للصين واطلقوا البرنامج سنة 1999 وكان اسمه OICQ 😀 اختصار الي Open ICQ 😀 ومكنش في دماغه انه بسبب البرنامج ده حياته هتتشقلب
ـ

في 9 شهور بس كان في مليون شخص في الصين بيستخدمو البرنامج شركه AOL اللي كانت لسه شاريه ال ICQ بـ 400 مليون دولار رفعت علي قضية وكسبتها واتقفل الموقع وغيروا اسم البرنامج الي QQ البرنامج كان مجاني ومكنش مربح وكان عندهم مشاكل وكتب سعتها
“We knew our product had a future, but at that time we just couldn’t afford it”

وابتدا يلف على البنوك عشان يحاول ياخد قرض يقدر يكمل بي ولكنه فشل فراح لمستثمرين يمولو الشركة مقابل نسبة وبالفعل شركة PCCW وصاحبها Richard Li دفع 2.2 مليون دولار مقابل 20% من الشركة ,الي بعد كده هيبيع الحصه دي بعدها بسنة واحدة بس مقابل 12.6 مليون دولار

النسبه دي اشترتها منه شركة Naspers بجانب نسبة أخرى ويعتبر ده افضل استثمار لشركة رأس مال مخاطر VC في التاريخ علي الاطلاق لان الشركة دفعت 32 مليون دولار قيمتهم وصلت بعد مكبرت الشركة الى 175 مليار دولار دفعو 32 مليون مقابل 175 مليار 😀 لو كان richard مباعش كان زمانه معا حوالي 80 مليار دولار

في 2001 الشركه ابتدت تبقى مربحه وبقي يستخدم البرنامج 160 مليون شخص ومع انتشار الموبيلات اقنع شركات الاتصالات ان الناس تقدر تبعت SMS من البرنامج مقابل نسبة من الأرباح وبقي في إعلانات في البرنامج وابتدت الشركة تصمم العاب

في 2004 الشركة طرحت أسهمها في البورصة وبقت أول شركة بتقدم خدمات على الإنترنت في الصين تطرح أسهمها في البورصة وابتدت تدخل في كل حاجه مطاعم e-commerce بيع شراء وبدأوا يستثمروا في الـ online games في 2008 وصلوا الى 700 مليون مشترك والشركه كبرت بشكل كبير جداا

في 2010 مؤسس الشركة صمم تطبيق Wechat الي بيستخدمو حالياً أكثر من مليار شخص ويعتبر هو “China’s app for everything” الصينين بيعملو منه كل حاجه في الدنيا تقريبا 😀 الشركه دي هي صاحبة برضو لعبة PUBG اللعبه بتطلع ارباح شهريه بس 25 مليون دولار

حاليا ثروة مؤسس الشركة ورئيسها التنفيذي من اول يوم ma huateng
تقدر بـ37 مليار دولار
والشريك المؤسس Zhang Zhidong و الـ CTO بتعها ثروة 13 مليار دولار.