قصة نجاح 3

51366399_10157145913432049_3201875158272835584_n
في سنة 1994 أسس Jerry و David موقع ياهو على الانترنت كان موقع الشركة عبارة عن محرك بحث صغير ودليل للمواقع دخله خلال أول سنة من تأسيسه 100 ألف شخص انتشر الموقع وقرر مستثمرين يستثمروا فلوسهم في الشركه بعد اول سنه دفعوا حوالي 7 مليون دولار وبقي واحد من اكبر المواقع زيارة على الانترنت وعملوا عائدات 1.4 مليون دولار

سنة 1996 طرحو الشركة في البوصه وبقت قيمة الشركة 1.1 مليار دولار كانت استراتيجيه الشركه سعتها انها تشتري مواقع وشركات صغيرة وتضمها لخدمتها بسبب ارتفاع سعر سهم الشركة

في 1998 اتنين شباب راحوا ياهو يعرضو شركتهم للبيع مقابل مليون دولار عشان عايزين يكملوا تعليمهم في جامعة ستانفورد و لكن شركة ياهو رفضت وقلتلهم طريق السلامة 😀 الاتنين دول كانوا Larry Page و Sergey Brin والمنتج الي كان معروض للبيع Google 😀 بعدها ب 4 سنين جوجل بقت شركه كبيره وياهو عرضت انها تشتريها مقابل 3 مليار دولار بس هما كانوا عايزين 5 وياهو رفضت للمرة التانية انها تشتري جوجل 😀

في 2005 ياهو عملت أهم استثمار في حياتها استثمرت 1 مليار دولار مقابل 40% من شركة علي بابا وهي لسه بتبدأ عائد الاستثمار ده وصل إلى 40 مليار دولار
في 2006 حاولوا يشتروا Facebook مقابل مليار دولار ولكن مارك زوكربيرج رفض العرض

ميكروسوفت في 2008 عرضت انها تشتري ياهو مقابل 44.6 مليار دولار وياهو رفضت 😀 ومن هنا بدأ مسلسل السقوط وفشلت كل محاولات ياهو انها ترجع لحد متباعت لشركة verizon سنة 2016 مقابل 4.6 مليار دولار

كل اللي كانت بتعمله ياهو انها تشتري مواقع وخدمات تانيه وتضمها ليها نفس بظبط اللي كانت بتعمله شركة مكتوب قبل ماتشتريها ياهو بـ 164 مليون دولار وتقفلها 😀

خلال مسيرة ياهوو منذ إنشائها وحتى عام 2015 حوالي 21 عام الشركة حققت عائدات 71.1 مليار دولار بصافي ربح 16.7 مليار واستحوذت على 120 شركة واستثمرت في 19 شركة.